euroradiofm tracks on Soundclound

#euroradiofm

як “Дай дарогу!” правялі гэтае лета?
euroradiofm

Лідар брэсцкага панк-рок-гурта “Дай Дарогу!” Юрый Стыльскі завітае ў студыю Еўрарадыё, каб распавесці пра новае канцэртнае відэа, здымачная група якога “выклалася на 400%”, пра выступ у Мінску на наступным тыдні ды і ўвогуле пра апошнія навіны ў жыцці гурта.

12
Чаму Расія вырашыла зэканоміць на Беларусі
euroradiofm

Апошім часам ва ўзаемаадносінах паміж Беларуссю і Расіяй паўсталі новыя праблемы. Гаворка нават не пра новага амбасадара Расіі ў Беларусі, вакол кандыдатуры якога было столькі шуму. Размова пра эканамічныя непаразуменні: то нам паведамляюць пра “падатковы манеўр”, які пагражае беларускаму бюджэту вялікімі стратамі, то пра спыненне паставак нафтапрадуктаў. То ўвогуле Масква вырашае правесці аўдыт нашых стасункаў. Што на самой справе стаіць за гэтымі “манеўрамі” Масквы? Ці сапраўды ў Крамлі вырашылі, што Беларусь дорага абыходзіцца Расіі? Хто мае рацыю ў гэтай “спрэчцы двух гаспадарчых суб’ектаў”, Масква ці Мінск? Ці атрымаецца ў беларускіх перамоўшчыкаў павярнуць сітуацыю на карысць Беларусі? На гэтыя ды іншыя пытанні ў жывым эфіры Еўрарадыё адкажа незалежны аналітык Сяргей Чалы.

41
Сустрэча заклятых сяброў: ці паразумеюцца Лукашэнка і Пуцін?
euroradiofm

21 верасня ў Сочы адбудзецца чарговая сустрэча кіраўнікоў Беларусі і Расіі. Сустрэча, якой папярэднічала ўзнікненне новых праблем у беларуска-расійскіх адносінах. Гэта і праблемы з пастаўкамі нафтапрадукатаў, і з коштам расійскай нафты для Беларусі, і складанасці ў перамовах па чарговым расійскім крэдыце. Ды яшчэ ўсё адбываецца ва ўмовах новай хвалі інфармацыйнай вайны, якую супраць нашай краіны распачалі асобныя расійскія СМІ. Чаго чакаць ад сустрэчы Лукашэнкі і Пуціна ў Сочы? Якія з надзённых праблем найперш паспрабуюць вырашыць кіраўнікі Беларусі і Расіі? Чаго на самой справе хоча Крэмль ад афіцыйнага Мінска? Ці ёсць у беларускага боку “козыр у рукаве”, якім Лукашэнка можа скарыстацца падчас перамоў са сваім расійскім калегам? На гэтыя ды іншыя пытанні ў жывым эфіры Еўрарадыё адказваюць палітычны аналітык Юрый Дракахруст і кіраўнік аналітычнага праекту Belarus Security Blog Андрэй Паротнікаў.

42
Гуркоў: Чым больш шматграннай будзе беларускасць, тым лепш для Беларусі
euroradiofm

Філосафы і мысляры мінулага сцвярджалі, што нацыянальная ідэя павінна быць у кожнай нацыі. Кіраўнік сённяшняй незалежнай Беларусі перакананы, што мы яшчэ да сваёй нацыянальнай ідэі не дараслі. Іншыя сцвярджаюць, што такая ідэя ў беларусаў ёсць. Дык ёсць у беларускай нацыі свая нацыянальная ідэя ці не? І калі мы да сваёй націдэі яшчэ не дараслі, то ці можам лічыцца нацыяй? Магчыма, нам варта узяць ды сфармуляваць такую ідэю для беларусаў? На наш погляд, прыспеў час распачаць дыскусію і вызначыць, сфармуляваць беларускую нацыянальную ідэю. І мы працягваем гэта рабіць у новым восеньскім сезоне аўтарскай праграмы “Ідэя Х”, якую па-ранейшаму вядуць палітычны аглядальнік Еўрарадыё Зміцер Лукашук і маскоўскі філосаф Максім Гаруноў. Па завядзёнцы, у якасці гасцей, якія дапамагаюць нам фармуляваць нацыянальную ідэю, — палітыкі і літаратары, эканамісты і музыканты, айцішнікі і культуролагі. Усе вы. Праграма выходзіць раз на тыдзень. 20 верасня ў студыі Еўрарадыё шматразовы чэмпіён свету па муай-тай, удзельнік гурта Brutto Віталь Гуркоў.

29
"Такога вы не чулі"
euroradiofm

19 верасня музычная рубрыка "Такога вы не чулі" прадстаўляе праект Harotnica mix. Каманда Валерыі Валадзько, Андруся Такінданга і Эрыка Арлова-Шымкуса выканае песню "Лаві", якая ўвойдзе ў новы ЕР. Рэліз адбудзецца неўзабаве.

36
Ці стануць дэпутаты на абарону БЧБ-сцяга?
euroradiofm

Ці магчыма сёння “легалізаваць” бел-чырвона-белы сцяг і якім чынам? Чаму праваахоўнікі так нервова рэагуюць на БЧБ-сцяг не толькі падчас вулічных акцый, але і калі бачаць яго на трыбунах стадыёнаў і канцэртах? Ці падтрымаюць ідэю вяртання нацыянальнага сцяга дэпутаты і чыноўнікі? Калі не праз адпаведны закон, то як яшчэ можна вярнуць людзям БЧБ-сцяг? Ці будзе закон аб абароне нацыянальнага сцяга, калі ён будзе ўхвалены дэпутатамі, выконвацца міліцыяй? На гэтыя ды іншыя пытанні ў жывым эфіры Еўрарадыё адкажуць дэпутат Палаты прадстаўнікоў Ганна Канапацкая і намеснік старшыні Ліберальна-дэмакратычнай партыі Алег Гайдукевіч.

22
Новыя праблемы ў адносінах з Расіяй — ці ёсць рашэнні?
euroradiofm

Што гэта за новыя праблемы ў адносінах і адкуль яны ўзяліся? Якія сапраўдныя вынікі перамоў кіраўнікоў Расіі і Беларусі ў Сочы? Чаго можна чакаць ад змены перамоўных каманд у абедзвюх краінах? Чаго на самой справе хоча дамагчыся Крэмль ад уладаў Беларусі? Ці ёсць у афіцыйнага Мінска козыр у рукаве, якім можна скарыстацца падчас будучых перамоў кіраўнікоў Беларусі і Расіі? На гэтыя ды іншыя пытанні ў жывым эфіры Еўрарадыё адкажуць каардынатар праграмы “Знешняя палітыка Беларусі” экспертнай ініцыятывы “Мінскі дыялог” Дзяніс Мельянцоў і палітолаг, кіраўнік экспертнай групы маніторынгу “Беларусь у фокусе”, рэдактар сайта экспертнай супольнасці “Наше мнение” Валерыя Касцюгова.

30
loading...